Agreed you are ‘saving money’ & trying to do very well in your Life…
Agreed — you are ‘Intelligent’, ‘Smart’ & ‘Mature’.
Agreed — ‘You have the right to believe that — You are Sexy’..
Agreed — you have purchased the right kind of insurance policies too…
Maybe these silent whispers resonate with you…Maybe that a few bones in your body are already tired of fighting your ‘imaginary battles of ‘Duniyaadari & Samajhdaari’ …
My ‘Dil-Say’ poem for the Indian middle aged Gentlemen …
Silent whispers of a middle aged, Male Indian Heart
Zindagi ki eis Tez Raftaar mein ; Rafta Rafta (slowly -slowly) beete jaa rahein hai
Saal, mahiney aur Haftey…
Mahiney ab palon ke jaise hain lagtey..
Kayi saalon se dimaag hee lagata jaa raha hoon ;aur Dil ko lagaana bhool sa raha hoon …
Samajhdaar hee bantaa jaa raha hoon ; shayad Deewana bannaa bhool sa gaya hoon…
Aisi samajhdaari bhi kis kaam ki , ki apno se door hota jaa raha hoon..
“Duniyaadari barhtee hee jaa rahi hai ; Phir bhi ‘Dil ko Thandak’ mil hee nahin rahi …
Jin cheezon ko paane ke liye daud dhoop kee ;
Aaj ehsaas huaa – Itnaa Daudnaa Dhoop mein nahin chahiye thaa …
Jamaa(Addition), Gunaa (Multiplication) sirf paisaa aur shohrat ho rahi hai
Aur rishtey aur sakoon taqseem(Divide) ho rahe hain
Duniyaadaari ki uljhane meri shararatein kum kar rahi hain
Sehat ghat rahi hai par IMAGE badh rahi hai …
Swaad aur Chaskey le raha hoon; par dil se hansna bhool raha hoon…
Kabh kabhi yeh sochta hoon…
Kya main sahi jaa raha hoon, ya phir wahin jaa raha hoon?
Maalik ki dee hui do aankhon ke baawjood ;
Duniya ko kissi aur ki nazar se dekhe jaa raha hoon…
Khud ki nazar ki talaash mein , pareshaan bhatakta saa ja raha hoon..
Baahar doston ke saath masti nahin kartaa aur Facebook pe apni duniyaa dhoond raha hoon
Friend List barhti jaa rahi hai, par friends khotaa hi ja raha hoon
Aek Junoon saa Dimaag pe hamesha chaya rehta hai ;
Lekin ye sukoon saala- zehan se gaayab kyun rehtaa hai…
Baal safed ho rahein hain; par black money safed nahin ho rahi …
Tarraqqi thodi bahut hai ho rahi ; par khushi ussay kahin zyaada hai kho rahi …
Confusion apni umar ke bare mein badhti jaa rahi hai ;
kyunki mere time ki heroines ‘Bhabi’ jaise character roles mein Bollywood mein aa rahi hain…
Saala sacha pyaar bhi nahin hota – kyunki wo bhi bahut baar hoke BORE ho chuka hai
‘SEX’ — jo kabhi zindagi kaa maqsad thaa — ‘Aaj wo ‘SEX’ bhi aek kaam saa hai lagtaa’
Koi sincerity se agar mera pyaar maang le ; to Dil ko hai zukaam saa lagtaa
Wo meethi Gudgudi nahi hoti zehan mein aajkal ; kyunki wahaan rehti ab raftaar hai,
Dil kehta hai — Gudgudi chahiye, toh solution sirf Pyaar hai,
Par fir samajh mein aata hai ki —‘Itne saare affairs ke baad ab rukna bekaar hai..’
Agar yehi ‘Tarraqqi’ hai ; aur isko karke Duniya apne ko samajhti Lucky hai –
Chamakti jaroor hai ye taraqqi par asliyat mein duniyaadaari ki dee hui aek fraud see ‘Pappi’ hai..
![](https://akashgautam.com/wp-content/themes/Akash%20Gautam/images/blog-email.png")
